БЫЛААҺЫ —СОВЕККА! Печать    
П. Ойуунускай тыллара Ф. Аргунов, Г. Григорян музыкалара

Сэтинньи сэттистиир күүрээннээх күнүгэр,
Сэриинэн сэтэрэн, уотунан умайан,
Сир ийэ үрдүнэн силлиэлээх холорук
Силлиэрэн-боллоорон, ытыллан таҕыста.

Xос ырыата:

Бары баар баттаммыт
Барыта тахсаннар,
Барабаан охсоннор,
Баргыһан бардылар...
Уруйдааҥ!
Уруйдааҥ!
Былааһы — Совекка!

Хара хаан олбохтоох хаппытаал олоҕун,
Хан гынар хаппардаах хаан салыҥ хаайыытын,
Түп гынар түптүрдээх түүнүктээх түрмэтин
Түнҥэри ытыйан, күөрчэхтии көтүттэ...

Xос ырыата.

Бары сир үрдүнэн баай-бампыыр аймаҕа,
Бары баар баттаммыт хааннарын тоҕоннор,
Уҥуохтаах эттэрин урусхал оҥорбут
Улуу-хаан иэстэрин иэстииргэ тэринэн,

Xос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).