ИЛИИБЭР ЭН ИЛИИҤ БААР КУРДУК... Печать    
Л.Попов тыла

Илиибэр эн илииҥ баар курдук,
Сүрэхпэр — сүрэҕиҥ сылааһа.
Өрүүтүн биллиэхтин бу курдук
Үйэлээх тапталыҥ былааһа.

Доҕоруом, миигинниин үллэстиэҥ
Үөрүүбүн, эрэйбин, дьылҕабын.
Мин ааппар долгуйа эн истиэҥ
Сириини, хайҕалы, дьон хобун...

Ардыгар санааргыам, санньыйыам,
Мунчаарбыт сүрэхпин үөрдүөҥ дуо?
Сылайан санныгар тайаныам,
Ыараабыт илиибин уйуоҥ дуо?

Сыыстахха — алҕаспын көннөрөр
Эрэллээх доҕорум эн буолуоҥ.
Миигинниин биир тэҥҥэ үктэнэр
Аналлаах аргыһым эн буолуоҥ.

Илиибэр эн илииҥ баар курдук,
Сүрэхпэр — сүрэҕиҥ сылааһа.
Өрүүтүн биллиэхтин бу курдук
Үйэлээх тапталыҥ былааһа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).