Ырыа кырдала > Герасимов К. > СУНТААР ЫҺЫАҔА
СУНТААР ЫҺЫАҔА10 января 2009, 17:04. |
. Алексеев тыллара, К. Герасимов мелодията
Үс Бүлүү быйаҥнаах биэрэгэр Өбүгэм үгэһин киэргэтэр Үлэ-дьол, доҕор дьон ыһыаҕа Үйэ саас тэриллэ туруоҕа. Эһиэкэйдиир эһиэкэй! Оһуокайдыыр оһуокай! Тойуктаах кэрэтэ манна баар, Кус быһый, ат бөҕө бу турар. Симэхтээх аар баҕах ыҥырар, Сүүрүк ат сындыыстыы сыыйыллар. Эһиэкэйдиир эһиэкэй! Оһуокайдыыр оһуокай! Бу манна хорчуоппа тардыллар, Ол онно көр-ырыа дуорайар, Итиннэ сэһэнньит сэлэһэр, Чэчиргэ уоллаах кыыс сипсиһэр. Эһиэкэйдиир эһиэкэй! Оһуокайдыыр оһуокай! Кырдьыбыт эдэрин эргитэр, Ыалдьыбыт түргэнник үтүөрэр, Олоҥхо дойдута арыллар Оо, Сунтар чороонноох ыһыадар. Эһиэкэйдиир эһиэкэй! Оһуокайдыыр оһуокай! « Төттөрү |