ДОҔОТТОР Печать    
Иннокентий Гаврильев тыллара

Эһиэхэҕэ элбэх тылы эппэппин
Мин үтүө доҕотторум,
Эр киһилии эркин курдук эрэнэр
Мин чулуу уолаттарым,
Эһигинниин буоллахпына
Сарсыҥҥылаах сананабын,
Дьол кыымнарын туттахпына
Үөрүүбүн үллэстэбин.

Сүүрүктэри өксөйөр да күннэргэ
Биир сүүрүүнү тутуһан,
Хайалары дабайар да кэмнэргэ
Биир ыллыгы батыһан,
Очурдарга охтубакка,
Ыарахантан чаҕыйбакка,
Туппут суолтан туораабакка
Олох устун айанныахха.

Хос ырыата:

Уруккубун умнубатах буоламмын,
Көнө суол сирдьиттээхпин,
Инникигэ итэҕэллээх буоламмын,
Икки төгүл күүстээхпин!

Эһиэхэҕэ элбэх тылы эппэппин
Мин үтүө доҕотторум,
Эр киһилии эркин курдук эрэнэр
Мин чулуу уолаттарым,
Баҕарабын эһиэхэҕэ
Сарсыҥҥыгыт сандаарыйдын,
Мэлдьи үүнэ-сайда туруҥ,
Дьоллоох буолуҥ, доҕотторум!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).