КЫЫСЧААММАР Печать    
Иннокентий Гаврильев тыллара

Кып-кыракый илиилэр миигин кууhаллар,
Хап-хара харахтар мичиҥнииллэр,
Мин кыракый кыысчааным, көмүсчээним,
Оргууйдук сүүhүттэн сыллаан ылабын.

Хос ырыата:

Мантан ордук туох баарый күн сиригэр
Оҕобун кууhаммын олорорум,
Биирдэ кэлэр олоххо орто дойдуга
Дьол диэннэрэ бу буоллаҕа.

Мэлтэҥнээн ылара минньигэhиэн,
Мичээрдээн кэлэрэ эчи күндүтүн,
Кып-кыракый бэйэтэ үөрүнньэҥиэн
Сибэкки кэриэтэ эриэккэhиэн.

Хос ырыата.

Бу дьикти иэйиини, сылаас тапталы
Эн ийэ буолаҥҥын билиэҥ турдаҕа,
Онно дьэ өйдүөҕүҥ, миигин саныаҕыҥ,
Дьоллоохпун дэнэҥҥин бэйэн этиэҕиҥ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).