КҮНДҮ КИҺИМ Печать    
Иннокентий Гаврильев тыллара

Сиккиэр тыалга сипсийэммин
Ээр-сэмээр мин сураһабын:
"Күүтэр күндү киһибин
Көрдүҥ дуо?"- диэн ыйытабын.
Сиккиэр тыалым сипсийээхтиир
Бэйэбиттэн ыйытаахтыыр:
"Элбэх сири кэрийбитим
Эн киһигин көрбөтөҕүм".

Үрүҥ былыт барахсантан
Эмиэ сэмээр сураһабын:
"Күүтэр күндү киһибин
Кердуҥ дуо?"- диэн ыйытабын.
Үрүҥ былыт устаахтыыр
Бэйэбиттэн ыйытаахтыыр:
"Киэҥ халлааҥҥа көччүйбүтүм
Эн киһигин көрбөтөҕүм".

Түргэн сүүрүк үрэхтэн
Ээр-сэмээр мин сураһабын:
"Күүтэр күндү киһибин
Көрдүҥ дуо?"- диэн ыйытабын.
Долгун үрэх сүүрээхтиир
Бэйэбиттэн ыйытаахтыыр:
"Уһун сири устубутум
Эн киһигин көрбөтөҕүм".

Ханна-ханна бааргыный?
Ханна-ханна сылдьаҕыный?
Үрдүк дьолу аҕалаҥҥын
Киирэн кэлиий эмискэччи.

Ол эрээри эрэнэбин
Ээр-сэмээр мин кэтэһэбин,
Уоттаах таптал кынаттанан
Киирэн кэлиэ күндү киһим.
Кэтэспиппин кэмсиммэппин,
Ахтылҕаммын ханнараҥҥын
Киирэн кэлиэҥ эмискэччи
Үрдүк дьолу аҕалаҥҥын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).