САЙЫЛЫК Печать    

Иннокентий Гаврильев тыллара

Сайыҥҥы нуурал чуумпу киэһээҕэ
Сайылыгым нухарыйар
Түптэ унаар буруота
Тунаарыйа туналыйар.
Эбэм эмээхсин ынах үүрэр
Һайдыыр саҥата дуораһыйар
Кыһыл талаҕа кымньыытынан
Кускуурдана охсуоланар.
Өйдөөн кэллим мин бүгүн
Күндү көмүс күннэрбин
Санаан кэллим билигин
Саары остоох саастарбын…

Иннибэр көстөр кэҥэс солооһун
Дьэдьэн угунан оһуор анньыммыт.
Көҕөрө сыппыт марха талаҕа
Халдьаайы сыырын быарыгар үүммүт.
Оһох иннигэр эбэм эмээхсин
Сото кэбиһэн уотун одулуур
Табаҕын тардан аргыый аҕай
Харахтара мичилийэр.
Өйдөөн кэллим мин бүгүн
Күндү көмүс күннэрбин
Санаан кэллим билигин
Саары остоох саастарбын…

Сайыҥҥы нурал чуумпу киэһээҕэ
Сайылыгым нухарыйар
Түптэ унаар буруота
Тунаарыйа туналыйар.
Эбэбин санаан сайылыгым
Ааспыт кэмнэрин ахта саныыбын
Онно турар тиит лабааларынан
Далбаатанан миигин ыҥырар…
Өйдөөн кэллим мин бүгүн
Күндү көмүс күннэрбин
Санаан кэллим билигин
Саары остоох саастарбын…
Өйдөөн кэллим мин бүгүн
Күндү көмүс күннэрбин
Санаан кэллим билигин
Саары остоох саастарбын…
Саары остоох саастарбын…



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).