Ответить на сообщение

Вернуться к теме

автор: Суруксут
Приве Эрэл! Ээ мин кииннэргэ сылдьабын, үксүн. Онно гостиницалар бааллар. Онтон киинтэн өссө дэриэбинэҕэ барарга очень редко бывают гостиницы (почти суохтарын да кэриэтэ, хаалларбатахтар, саҥа кэми кыайан утарсыбакка).

Кстати, Улуу Өктөөп бырааһынньыгынан! Былыр улахан бырааһынньык этэ, наһаа да үчүгэй буолар этэ...

6-с чыыһылаҕа кулуупка дакылаат, наҕараадалааһын, онтон кэнсиэр буолаллара. Ол күн оскуолаҕа эмиэ биэчэр тэрийэллэрэ, учууталлар дьурууһустубалыылларын өйдүүбүн. Онно биирдэ эмэ биһиги ийэбит буолара (кини учуутал этэ, биир оскуолаҕа 50-тан тахса сыл үлэлээбитэ). Сарсыҥҥы күнүгэр ийэм эрдэ туруоран, бэрэски оҥорор түбүгэр сылдьан, миигин ыалга аһыы ыллара ыытара (оччолорго доруоһа эҥин диэн кэлиэ дуо, мэлигир). Улахаттар оскуола биэчэриттэн хойут кэлэн утуйа сытар буолаллара. Мин кыра киһи ийэм тылыттан тахсыбат этим, баран, түргэнник бэрэски сиир баҕаттан, үөрүүнэн аҕалар этим. Ол доруоһа тиийэн ылар дьонум ийэлэрэ повар этэ, детсадка эҥин үлэлээбитэ. Онон киниэхэ мэлдьи баар буолара, ийэбин кытары тапсаллара. Аны оҕолоро кыралар, иккис уол миигин кытары үөрэнэрэ, бары утуйа сытар буолаллара, арааһа барарым оннук эрдэ эбитэ дуу. Ол табаарыспын ыйыттахпына ийэлэрэ: Тоойуом, аскын илдьэн баран кэлэн оонньоор, ийэҥ барахсан күүтэ сылдьыа, онуоха дылы мин уолаттарбын туруоруом, утуйа сыталлар. Аһыыгын сэрэнээр, тоҕо түһэрэн кэбиһээйэҕиҥ, халтархайа да сүрдэммит, диэччи (кинилэр биһигиттэн син тэйиччи олороллоро). Наһаа эйэҕэс, сымнаҕас этэ, ол оҕолор ийэлэрэ барахсан.
Онтон эбиэттэн киэһэ аҕабыт биригээдэлэрин, учаастактарын кэрийэн кэлэрэ, кини биригэдьиир этэ. Киэһээҥҥи аһылык бырааһынньык остуолун курдук буолара, мустан күө-дьаа буолан аһыырбыт. Ийэм буһарбыт бэрэскитэ олус да минньигэс буолара. Оччолорго тэлэбиисэр саҥа кэлэн эрэрэ, хаардаах экраҥҥа дойдубут тэбэр сүрэҕэр буолар мунньахтары, парааттары, бырааһынньыктааҕы "күөх уоту" көрөрбүтүн онон-манан өйдүүбүн...

Үчүгэй да кэмнэр эбит, ити туһунан суруйбут киһи...


Имя:    

  Фото (jpeg до 300Кб):