Ответить на сообщение

Вернуться к теме

автор: Дьүкээбил
Алыыга
Дьүкээбил кутаатын суһума
Дьиэрэҥкэй үҥкүүлүүр Дьааҥыга,
Тыйысхан тымныыга тулуһа
Үөр таба мындаалыыр алыыга.

Бу тыйыс чуумпуну үргүтэн
Туох түгэн ааҥныаҕын билбэккэ,
Тордоххо эдэркээн табаһыт
Күн түспүт ыйыгар чуҥкуйар.

Чуумпуга ыт үрээт ньам барда,
Хаар үрдэ ыһылла хараарда -
Ааранан арахпат санаалаах
Адьырҕа айаҕын хааннаата.

Дьолуолаах үөрүйэх биир туттуу,
Уол оҕо хатана быһаарда,
Аһыылаах ааттааҕын сууһаран
Алдьархай аргыһын самнарда.

Иэстэспит өрөгөй манньыппат,
Хаҥалда тыаһа да көнньүөрпэт -
Эрэллээх доҕорун былдьаппыт
Эр бэрдэ аһыйар харааста.

Дьүкээбил суһумун анныгар
Тордоххо уот үөрэн кытыастар,
Алыыга үөр таба мэччийэр -
Омолой олоҕо салҕанар.


Имя:    

  Фото (jpeg до 300Кб):