Ответить на сообщение

Вернуться к теме

автор: Yрэн куо5а
Күүтээр миигин.

Сылдьыбытым эн дойдугар
Хомурах хоноро буолан,
Таас боруута саҥа быган
Боронук күөҕэ тахсыыта.
Киирбэт күҥҥэр сыраҕылла,
Чуос сирдэргин ааҕа көтө,
Ол сырыыбар нимтэҥ тула
Хоноһо буолан хоҥкунуу.

Ааспытым мэйлэ үөрүнүүн
Аас ымаҕа иргэх буолан
Буустаах күөлүн кытыытынан
Этэрикээн хомотугар.
Көрбүтүм онно эйигин –
Саһархай тээкэт буолаҥҥын
Ноҥсолҕон сүүрүк үөһүгэр
Биһиктэнэ эн сылдьаргын.

Тиийиэҕим мин быйыл эмиэ
Сааһы көрсө көтөҕүллэн,
Ситэ суо киһи сиэринэн
Эн кэрэҕэр абылатан.
Дьааҥы, Булуҥ, Аллайыаха,
Хаар Халыма кыталыга,
Хоту дойдум Үрэн куота
Ханна да буол, күүтээр миигин.


Имя:    

  Фото (jpeg до 300Кб):