Ответить на сообщение

Вернуться к теме

автор: Сайыспыт
Сайыһа хаалбыт… тапталы.
Дьылҕам суола - Бүлүү өрүс
Илдьибитэ ыраах уста,
Үөрэх – үлэ дьалхаанынан
Тиэрдибитэ эн кытылгар.
Ааспыттара элэс гынан
Истиҥ сиргэ үтүө сыллар,
Эбэм кыынньа балкыырданан
Төннөр суолбун түстээбитэ.

Атаара киирэҥҥин онно,
Аргыый сипсийэн эппитиҥ:
«Умнумаар дуу, доҕоччугуом,
Санаан ааһаар дуу, эн миигин…»
Уйадыппыта эн куолаһыҥ,
Ууламмыт харахтарыҥ –
«Умнуом суо5а, өрүү өйдүөм,
Олоҕум чаҕыл күннэрин…»

Эппит тылбын мэлдьи өйдүү
Эйигин түүлбэр көрөбүн –
Күһүҥҥү курус кытылга
Сайыһа хаалбыт кыысчааны.
Махтанабын оо, дьылҕабар,
Киһи буолбут тус айыыбар
Биир олоххо умнуллубат
Үйэлээҕи көрсүбүппэр.

Ымыы гыныам умнубакка
Ууламмыт харахтары,
Курус күһүҥҥү кытылга
Сайыһа хаалбыт… тапталы.


Имя:    

  Фото (jpeg до 300Кб):