Ответить на сообщение

Вернуться к теме

автор: kYHDY
Күндү киһим

Күммүт
_ күлүмүрдүүр чаҕыла,
Ыйбыт
_ туналҕаннаах суһума,
Таптал
_ өлбөт – сүппэт сулуһа –
Күндү
_ күн ийэкэм барахсан,
Күндү киһим.

Киэҥҥэр кичэллээхтик кистээҥҥин
Миэхэ күн сирин көрдөрбүтүҥ,
Дьылҕам түҥнэстибэт түөрэҕин
Сырдык төлкөтүн түстээбитиҥ,
Күндү киһим.

Үллэр үрүлүйэр үйэбэр,
Саллар сарадахтаах саастарбар
Сүрэх иитиэхтиир сылааһынан
Махтал уунан тиийбэт уруйа,
Күндү киһим.

Уран – уус тыллары оһуордаан
Төрүт кутум туһун туойуохпун,
Дьоһун үйэлээҕи айыахпын
Алгыс үтүө тылын эн, анаа,
Күндү киһим.

Күммүт
_ күлүмүрдүүр чаҕыла,
Ыйбыт
_ туналҕаннаах суһума,
Таптал
_ өлбөт – сүппэт сулуһа –
Күндү
_ күн ийэкэм барахсан,
Күндү киһим.


Имя:    

  Фото (jpeg до 300Кб):