Ответить на сообщение

Вернуться к теме

автор: Kyrys
Ыраахтан

Көмүс ый көччүйэр түүнүгэр
Ахтылҕан күүһүгэр ылларан,
Күрэммит сай күөҕүн сайыьа
Үс кутум доҕорун санаата.

- Күннээҕи олохпун киэргэтэн ааһыый,
- Сүрэҕим баҕатын толорон үөрдүүй,
- Хаар тыына хаарыйар күһүҥҥү киэһэ
- Сып – сылаас иэйиигин бэлэхтээ миэхэ.

Көрсүһүү үөрүүтүн көһүтэн
Сүрэҕим төркүттүүр түүлүгэр,
Эймэнэр иэйиигэ ылларан
Түүл илэ туолуоҕар баҕарар.

Ыраахтан хомуһуҥҥа бааллан
Ый көмүс кэрэтин эн, көрүүй,
Көһүтэр тылларбын сипсийэн
Мунчаарбыт дууһабын уоскутууй.

- Күннээҕи олохпун киэргэтэн ааһыый,
- Сүрэҕим баҕатын толорон үөрдүүй,
- Хаар тыына хаарыйар күһүҥҥү киэһэ
- Сып – сылаас иэйиигин бэлэхтээ миэхэ.


Имя:    

  Фото (jpeg до 300Кб):