Ответить на сообщение

Вернуться к теме

автор: Эн
Эн, сүппүккүн

Үүт кэрэ аппын миинэн,
Туойа – ыллыы сиэллэрэн,
Үөрэ – көтө киириэхпин -
_ Эн көһүппэт курдуккун.

Күөх мутукча саһаран,
Көмнөх ардаҕа буолан,
Ырыам кырдалын ыһан –
_ Эн сайыһа саспыккын.

Тымныы хахсаат күн туран,
Маҥан хаары ытыйан,
Ааспыт суолу бүрүйэн –
_ Эн көстүбэт эбиккин.

Айар кутум улдьааран,
Булт имэҥэр ылларан,
Тыаны кэтэн сылаарҕаан –
_ Эн сэҥээрбэт буолбуккун.

Дьыл алтыһар кэмигэр
Бүлүү эбэ соҥуоран,
Туман чаана бүрүйэн -
_ Эн, күүппэттии сүппүккүн.


Имя:    

  Фото (jpeg до 300Кб):