автор: Хомус
_ Иэйэр хомус _

Ааспыт олох кэмин
Сырдык көр илдьитэ буолан,
Былыргылыы сыыйа,
Хомус тардар кыысчаан, үөртүҥ)))

__ Хомус, иэйэр хомус,
__ Аптаах дьикти кылыһаххар
__ Саха буолбут саргым
__ Самныбатын санатаҕын.

Кыра дьоҕус бэйэҥ
Дууһа кылын таарыйаҥҥын,
Омук сирин ааҕа -
Саха аатын үрдэтэҕин.

Үүнэр өксүөн кэмҥэ
Дьүрүлгэниҥ сайа тыынан,
Саха уран кутун
Өлбөт-сүппэт үйэлээтиҥ,
_ Ыраас сырдык дьылҕалаатыҥ.

__ Хомус, иэйэр хомус,
__ Аптаах дьикти кылыһаххар
__ Саха буолбут саргым
__ Самныбатын санатаҕын.