автор: Олох
Олоҕум айана

Дьоҕус тыым сүүрүгү утары
Эрдинии күүһүнэн үҥүөхтүүр,
Долгунтан долгуҥҥа олорсон
Тиийиэхтээх кытылга тиксээхтиир.

Олоҕум түһүүтэ – тахсыыта
Ол тэҥэ, күннэтэ көтүөлүүр –
Ардыгар хаҥыл ат үрдүгэр,
Сороҕор сылааргыы сатыылыыр.

Киэҥ суолга таһаарбыт ыллыкпар
Ахтылҕан аргыстаах эргиллэн,
Дойдубар дуоһуйа сынньанан
Саҥалыы ыраата тахсабын.

Иннибэр туох моһол күүтэрин
Билиэхпин баҕарбат курдукпун;
Хаар – самыыр, чаҕыл күн да турдун
Олохтон дуоһуйар эбиппин.