автор: Ностальгия
Уруккулуу
Уруккулуу олох буолла:
Уот да суох, газ да суох –
Сайдыбыппыт сыччах курдук.
Уруккулуу, хаҕыс тымныы
Арахпакка кууһан,
Соҕотохсутар дууһабын.
Уруккулуу, чох хараҥа
Хас муннук аайыттан,
Оргууй халыйан сабардыыр.
Уруккулуу сүүрэн кэлэн,
«Ийээ, кууһууй!» - диэхпин
Баҕаран кэллим, оҕолуу.
Уруккулуу мин аттыбар,
Күндү киһим суоҕа
Уйан куппун үүйэ тутар.
Уруккулуу, сыа чүмэчи
Сандалыбар саараан,
Ааспыт олох сайа сырдыыр.