Ответить на сообщение

Вернуться к теме

автор: Кулум Куо
___ Кэрэ суһум ___

Күндүл Эбэ астык иэнэ
Куйаас күҥҥэ дьону мунньа
Күлэ – үөрэ сэргэхсийэр.

Үүттүү сылаас ыраас ууга
Кэрэтинэн абылыырдыы
Кыыс сөтүөлүүр килбигийэ,

Хайгыы көрбүт дьон хараҕа
Нарын уоска, чоруун түөскэ
Утаппыттыы быраҕыллар.

Биллэн турар, ууга киирэн
Чочуллубут талыы таһаа,
Үтүө дьүһүн умсугутар…

Айар куттаах дууһам миэнэ
Чаҕыл күнтэн сырдыы иэйэ
Умсан ылан чачайбахтыыр –

Хайа дойду Күлүм Куота
Кэрэ суһум ымыы буолан
Хоммут куппун үүйэ тутта?!
тимирхаан@mail


Имя:    

  Фото (jpeg до 300Кб):