Ответить на сообщение

Вернуться к теме

автор: timirkhan
Дойдум салгына иэйиибин эргитэр...
Сырдык сыдьаай

Сырдык мичээр
Кууһар миигин,
Аргыс дьоммун -
Барыбытын.
Маннык сыдьаай
Күн айыыта,
Хайа түөлбэ
Кэрэ куотай?!
- Мичилиинэ, мичилийиий,
- Айыы тэҥэ мичик гыныый!
- Мичээргинэн тулаҕын аптыы,
- Аналгынан олоҕу таптыы.
Бааллар эбит
Мин омукпар
Чахчы кэрэ
Чулуу куолар –
Сыдьаайаллар
Кустук өҥүн,
Ириэрэллэр
Дойдум тоҥун.
- Мичилиинэ, мичилийиий,
- Айыы тэҥэ мичик гыныый!
- Мичээргинэн тулаҕын аптыы,
- Аналгынан олоҕу таптыы.
Сыдьаай, сырдаа
Кэхтибэккэ
Сахам дьоло –
Кыыс оҕото,
Кэтит кэскил
Түстүүр күүһүн
Дьоҥҥор тиэрдэ,
Ал5ыы тыына.


Имя:    

  Фото (jpeg до 300Кб):