Ответить на сообщение

Вернуться к теме

автор: Елуу кэрчиктэр
_ Өлүү кэрчиктэр _
Түс - бас дьылҕа түмүктэнэн
Нус - хас олохпут быстыаҕа,
Аат - суол, чыын - соло сотуллан,
Им - дьим барыта бүтүөҕэ.

Эт - сиин хахпытын хаалларан
Тыын - сээн дууһабыт чэпчиэҕэ,
Күн - хаан кэриэһин кэринэн
Сып - сап оҥостон барыаҕа.

Аар - саар Үрүҥ күүс уураахтаан
Дьүүл - суут ыйааҕа туолуоҕа,
Сиэр - туом эҥкилин аахтаран
Кут - сүр дьабыҥҥа көтүөҕэ.

Ый - хай бөҕөтүн түһэрэн
Көр - нар сырдыктан матыаҕа,
Сир - уот мөкүтүн булларан
Сор - муҥ дойдуга түһүөҕэ.

Ыыс - дьаар, сымала уотунан
Муҥ - таҥ эрэйин көрүөҕэ,
Иэс - күүс аньыытын боруостаан
Кыыл - сүөл буолардыы төннүөҕэ.

Өй - мэй суолтата сотуллан
Аам - дьаам олохтон салҕыаҕа,
Түүл - бит төлкөтө түҥнэстэн
Нам - нум эйгэттэн сүтүөҕэ.

Күн - дьыл эргиирин батыһан
Ай - тут өбүгэ сиэринэн.
Тыл - өс тэһиинин эн тутан
Үөр - көт күн - айыы сырдыктан.
_ Тимирхаан _


Имя:    

  Фото (jpeg до 300Кб):