Ответить на сообщение

Вернуться к теме

автор: Сылаастар

___Туймаада Куо

_«Кэпсээ» кыыһа - Туймаада Куо,
_Кэпсээ, дьэ, туох сонуннааххын?
_Илимҥэ киир,топта аһыый,
_Истиҥ тылы тиһэн ааһыый.

Сунтаардыы эйэ5эс
Кыыс ырыа куолаһын
Истиэхпин олуһун ба5ардым,
Топ нөҥүө кэпсэтэр
Санаа5а астык да,
Эн тыыннаах куоласкар таластым.

Туймаадам хочотун
Аатынан никтанан
Сахалыы дууһабын аймаатыҥ,
Бэркэ диэн сэлэспит
Виртуал киһиэхэ
Киэҥ куйаар кистэлин арыйдын.

Туругур, Туймаада!
Форумтан астына –
Эдэркээн олоххун оҥосто,
Дьол-үөрүү аргыстан,
Олохтон дуоһуйа
Эр бэрдин сурэ5ин ууллара.

_Алуо, алуо, Туймаада Куо,
_Кэпсээ, дьэ, туох сонуннааххын?
_Ньургуһуннуу бииргэ барыах
_Олох устун сэргэ хаамсыах.

_________Джесси

Киин кыракый куораппын
Мааны офис киэргэтэр,
«Кэпсээ» форум халлаанын
Саҥа сулус сырдатар.
Форумчааннар куттарын,
Төбөлөрүн эргитэр
Дьыала - куолу хотуна,
Имэҥ - таптал ымыыта.

Джессика, Джессика -
Офис муҥур хотуна,
Джессика, Джессика -
Куорат түүҥҥү сулуґа.
Джессика, Джессика -
Чуумпу хоһум ырыата,
Джессика, Джессика -
Түүҥҥү ба5ам ырата.

Чулуу барга күрэнэн
Сылаа тыынын таһаарар,
Талыы эйгэ күүрээнин
Астык дьоннуун атаарар.
Кутуу быччыҥ эр бэрдин -
Имэҥ уохтаах эрэлин,
Түүҥҥү булдун ³р манаан
Өйүн сүүйэр абылаан.

Джессика, Джессика -
Офис муҥур хотуна,
Джессика, Джессика -
Куорат түүҥҥү сулуһа.
Джессика, Джессика -
Чуумпу хоһум ырыата,
Джессика, Джессика -
Түүҥҥү ба5ам ырата.

Үрүмэччи үөрүүтэ -
Иирдэр дьалыҥ киириитэ.
Кыыллыы та5ыл бүтүүтэ -
Дуоһуйбатах иэйиитэ.
Олох дьоло диэн тугун
Күн сиригэр көрбөтө,
Ыаллыы кыыстан ордугун
Ытыы сытан булбата.

Джессика, Джессика -
Офис муҥур хотуна,
Джессика, Джессика -
Куорат түүҥҥү сулуґа.
Джессика, Джессика -
Чуумпу хоһум ырыата,
Джессика, Джессика -
Түүҥҥү ба5ам ырата.

_________Туску

Кэлиҥ, сылдьыҥ мин дойдубар,
Дьыл үтүөтэ, сайын күө5э
Э´игини абылыа.
Айыы тыыннаах алгыс сүрэ,
Алаас тыала, салгын мүөтэ
Арахпакка арыаллыа.
__ Бу - Сахам сирин
__ Ыһыа5ын тускула.
__ Сырдык кэскили,
__ Уйгу быйаҥы
__ Эргиччи үөрдэ,
__ Үөрэ эн, ыґыый!
__ Оо, өбүгэ тыына,
__ Оо, айыы сырала!

Сарсын эмиэ күнүҥ үүнүө -
Ыалдьыт дьонуҥ үмүөрүһүө,
Айыл±атын арчыланыа,
Дьиҥнээх баайгын - эн норуоккун,
Айыы тыыннаах аймах дьоммун
Таптыы к³р³н сүгүрүйүө.

Айыылардыын алтыһардыы
Үрүҥ тыыҥҥын өллөйдөнө
Өрө көтөх дьол чороонун.
Аналлаа5ыҥ аргыс буолан,
Иэйиэхситиҥ эҥэрдэһэн
Түһүлгэни түстээтиннэр.
__ Бу - Сахам сирин
__ Ыһыа5ын тускула.
__ Сырдык кэскили,
__ Уйгу быйаҥы
__ Эргиччи үөрдэ,
__ Үөрэ эн, ыґыый!
__ Оо, өбүгэ тыына,
__ Оо, айыы сырала!
______ Тимирхаан ____


Имя:    

  Фото (jpeg до 300Кб):