СТУДЕНТ КЫЫС ЫРЫАТА Печать    
И.Артамонов тыллара

Тапталбын таайбакка сылдьаҥҥын
Үөрэххин бүтэрэн бардаҕыҥ,
Табаарыс курдук эн санааҥҥын
Көннөрү кэпсэтэн аастаҕыҥ.

Үгүс уол оҕоттон ордорон
Эйигин эрэ мин күүтэрим,
Үтүмэн чаастары аһаран
Ыалдьара эн тускар сүрэҕим.

Эн ааккын сүүс төгүл хатылаан
Бэйэбин уоскутар буоларым,
Билсиэхпин баҕарар уолчаантан
Тапталбын харыстаан куотарым.

Эһиил мин үөрэхпин бүтэрэн
Эн суолгун батыһан көтүөҕүм,
Эн курдук оҕону үөрэтэн
Дьулуспут үлэбин көрсүөҕүм.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).