НЬУРБА ТУҺУНАН ЫРЫА Печать    
Николай Чуор тыллара

Күндү кэрэ кэмнэрбэр
Көтөҕүллэн ыллаабыт
Күөх сирэммэр кэлиэҕим,
Күлэн-оонньоон ааһыаҕым

Ньурбам самаан сайына,
Ньурбам көмүс күһүнэ,
Ньурбам кылба кыһына,
Ньурбам чаҕыл сааскыта.

Ньургуһуннаах кырдалга
Ньургу уһун суһуохтаах
Ньурбам талыы кыысчаана
Ньургуйаанам көрсүөҕэ.

Сайын ыһыах күнүгэр
Сонун дьикти кылыһах
Кырыымпалыы туойуоҕа
Кыталыктыы ыллыаҕа.

Көмүс күһүн Куочайга
Хатыҥ чараҥ барахсан
Муударайтык мунчааран
Хампа күөҕүн ахтыаҕа.

Кыыдам кыһын кыраас хаар
Туман курдат сырдыаҕа,
Кырса маҥан сыһыыта
Кылбаарыйа сытыаҕа.

Ньурбам самаан сайына,
Ньурбам көмүс күһүнэ,
Ньурбам кылба кыһына,
Ньурбам чаҕыл сааскыта.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).