КЫЫС ТОЙУГА Печать    
Ангелина Файрушина тыллара

Биир сайыҥҥы киэһэҕэ
Соҕотоҕун дьаарбайаммын
Арай тиийэн кэллим төгүрүк алааска.
Тулам барыта уу чуумпу,
Арай ханна эрэ ыраах
Кыыс тойуга иһиллэргэ дылыта.

Соһуйбут санаабыттан
Окко олоро мин түстүм,
Оҕо сааспын эргитэммин санаатым:
Атах сыгынньах сүүрэрбин,
Күөл кытыытыгар киирэммин
Сөрүүн салгын мүөтүн ыймахтыырбын.

Кыра кыыс оҕо буоламмын
Халадаай ырбаахылаахпын,
Сибэкки хонуутугар сылдьабын.
Күөрэгэйи кытта тэҥнэ
Ыллаһабын, үтүктэбин,
Көнүл көтүөх курдук далбаатанабын.

Ааспыт кэрэ да кэмнэрбин
Субу баардыы мин көрөбүн,
Ыллыы-туойа сылдьар сэмэй кыысчааны.
Кыыс тойуга ынырардыы
Чуумпу киэһэни толорон
Ыһыах ыһар төгүрүк алааска.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).