ОҔО СААС Печать    
Г. Кобяков тыллара

Билэбин көмүс аан күлүүһүн буламмын
Сарсыҥҥы саргыбын саҥалыы аспаппын,
Эбэтэр үс аартык төрдүгэр тахсаммын
Инники кэскилбин иккистээн талбаппын.

Хос ырыата:

Оҕо саас, оҕо саас,
Дьикти кэм дьолунан,
Дьэрэкээн өҥүнэн
Дууһабар тыган аас.

Ол онтон бүгүн мин харааста барбаппын,
Өр буолла ахсым ат тэһиинин туппутум,
Сыралаах сырыылаах биир суолу талбытым,
Аал уоттан арахсан, айаммар турбутум.

Хос ырыата.

Ол суолбар, сырыыбар уол оҕо дьолуттан
Көрдөһүөм этэ мин эн кэрэ кэмҥиттэн:
«Дьиктигэ эрэнэр дьоҕурбун ылыма,
Кэрэни кэтэһэр кэскилбин быһыма!»

Хос ырыата:

Оҕо саас, оҕо саас...
Эн, саатар, бэрт начаас
Сүрэхпэр ып-ыраас
Сарыалгын саҕан аас.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).