ТУСКУ ЫРЫАТА Печать    
К.Уткин тыллара

Киэҥ кэтит кэскиллээх, алгыстаах алаастаах
Куугунуур хочолоох, чэлгийэр чэлгиэннээх.
Сир Ийэ ситимэр - хотугу номоҕор,
Сирэм күөх кырсыгар - бигэнэр биһигэр.

Хос ырыата:

Сахабыт сиригэр
Саргыбыт сайыннын!
Дьол-соргу туһугар
Дойдубут тубустун!

Тумара туманнаах, муус кыаһаан муоралаах
Тохтообот долгуннаах, кулүмнүүр күөллэрдээх.
Өлүөнэ өнньүөстээх, баай барҕа тыалардаах,
Өлгөм өҥ кустуктаах, дьүкээбил төлөннөөх.

Хос ырыата.

Таас хайа быыһынан тамайар табалаах,
Сыһыынан сылгылаах, ыанньытар ынахтаах.
Олоҥхо дойдулаах, үйэлээх үгэстээх,
Оһуохай оонньуулаах, ыллаһар ыһыахтаах.

Хос ырыата.

Күн оонньуур толбонноох, аатырар алмаастаах,
Көһөҥө көмүстээх, күөх төлөн күлүмнээх.
Дуулаҕа дьоннордоох, уон араас омуктаах,
Дьоһуннаах тускулаах, кэхтибэт кэскиллээх!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).