БАҔА САНАА Печать    
Савва Тарасов тыла

Баҕарабын аал уотуҥ
Өссө күүскэ күөдьүйүөн,
Аймах-билэ бар дьоҥнун
Аан аһаҕас көрсүһүөн.
Баҕарабын — эн дьиэҕин
Куруук үөрүү толордун,
Кутурҕан тэлгэһэҕэр
Туораабакка ааһыахтын.

Баҕарабын, кырдьыыны
Букатын билинимэ,
Кэллэҕинэ даҕаны
Кинини киллэримэ.
Баҕарабын — олохтон
Эн букатын салгыма,
Ол эрээри, дьоннортон
Көрдөһөн салҕаныма.

Киһи эрэ киһиэхэ
Анаабыт алгыһынан
Баҕарабын эйиэхэ
Бар дьонум тапталынан.
Баҕарабын сир дьолун
Эн хайаан да булуоххун,
Ол дьолгунан олоххун
Томточчу толоруоххун!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).