КЫРАЧААН УОЛЧААНЫМ Печать    
Мария Елисеева тыллара

Күн уота мичиҥнии
Тырымныы сандааран
Кырачаан уолчааммын
Ыҥырар, угуйар.
Күн уота, күн уота мичиҥнии
Күн уота, күн уота мичиҥнии
Ыҥырар, угуйар уолчааммын.

Кып-кыра илиитин
Күн диэки уунаахтаан
Кырачаан уолчааным
Сүһүөҕэр турда.
Кып-кыра, кып-кыра атахтар
Күн диэки, күн диэки хаамтылар.

Сырдыкка тардыстан
Кырачаан уолчааным
Маҥнайгы хардыыны
Аан бастаан оҥордо.
Бу курдук, бу курдук эн куруук
Сырдыкка, сырдыкка тардыс дуу.

Чаҕылхай күнчээммит
Чээлэй күөх халлааммар,
Эйэ-дьол туһугар
Күлүмнүү сандаарыый.
Эйэ-дьол,эйэ дьол туһугар
Күлүмнүү, мичиҥнии сандаарыый.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).