Василий Ушницкай тыллара Түрүлүөн түрбүөннээх түөрт уон биир сыллаахха Алаастан, үрэхтэн аттанан баартара, Сибиниэс симиэртээх силлиэлээх буурҕаҕа Төлөннөөх түөстэрин тоһуйан биэртэрэ.
Хос ырыата:
Ытыктааҥ, харыстааҥ ветеран дьоннору, Олохтооҥ, тускулааҥ бочуоттаах дьоллорун. Уруйдаан, айхаллааҥ үйэттэн үйэҕэ Умнумаҥ, кинилэр килбиэннээх ааттарын!
Арҕааттан ааҥнаабыт амырыын алдьархай Алааспыт иһигэр аргыйан киирбитэ. Бар дьоммут чулуута, ыччат дьон талыыта Байыаннай синиэли суһаллык кэппитэ.
Хос ырыата.
Бүгүн суох ветеран сибэтиэй мөссүөнүн Таҥара кэриэтэ долбуурга туруоруҥ, Кутурҕан бэлиэтин чуумпуран тураҥҥыт Төбөнү төҥкөтөн бокулуон оҥоруҥ.
Хос ырыата.
Килбэҥниир уордьаҥҥа, кылыргыыр мэтээлгэ Кыайыы уот сулуһа күлүмнүү умайар, Ол сэрии дуораана кулгаахха иһиллэр Хааннаах дьай хартыына харахха бу тиллэр.
Хос ырыата.
« Төттөрү
|