КУБАЛАР

Н. Егоров тыла

Сааскы тыал санатар
Мин дойдум салгынын.
Кубалар көтөллөр
Киэҥ ыраас халлааҥҥа.

Хос ырыата:

Ыраах кубалар көтөллөр
Мин Сахам сиригэр,
Төрөөбүт алааспар.

Аар тайҕам уһуктан,
Силиһин көннөрөн,
Көҕөрөн, чэлгийэн
Кубалыын көрүстэ.

Хос ырыата.

Күөх эбэм ньууругар
Кубалар усталлар,
Киэҥ ыраас кырдалга
Үҥкүүлээн дайаллар.

Хос ырыата.

Кыыстаах уол сиэттиһэн
Алааска киирэллэр,
Ньургуһун быыһынан
Кубалыы дайаллар.

Хос ырыата.