КУБАЛАР Печать    
Н. Егоров тыла

Сааскы тыал санатар
Мин дойдум салгынын.
Кубалар көтөллөр
Киэҥ ыраас халлааҥҥа.

Хос ырыата:

Ыраах кубалар көтөллөр
Мин Сахам сиригэр,
Төрөөбүт алааспар.

Аар тайҕам уһуктан,
Силиһин көннөрөн,
Көҕөрөн, чэлгийэн
Кубалыын көрүстэ.

Хос ырыата.

Күөх эбэм ньууругар
Кубалар усталлар,
Киэҥ ыраас кырдалга
Үҥкүүлээн дайаллар.

Хос ырыата.

Кыыстаах уол сиэттиһэн
Алааска киирэллэр,
Ньургуһун быыһынан
Кубалыы дайаллар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).