ОҺУОР-ОЙУУ АЙЫЛҔА Печать    
Тумус Мэхээлэ тыллара

Оһуор-ойуу айылҕа.
Салгын сүүрээн салгыйа сайаҕастык саҥарар.
Самаан сайын тылынан салаан ылар салбанан.
Сайдам имнээх илиитэ сымнаҕастык илгийэр.

Оһуор-ойуу айылҕа.
Сайа сүүрэ тыыннара, санныларга тайанан,
Сыламынан илгийэр санаалары уйгуурдан,
Уйгу-быйаҥ куйаартан ууна сылдьан эргийэн,
Улдьаарыйа дьаарбайан, дьаалытынан кэрийэр.

Оһуор-ойуу айылҕа.
Айгыр-силик майгыта, атаан-мөҥүөн оонньуута,
Абылаҥын тардыыта, аны, урут даҕаны,
Атын кэмнэр дьоннорун, амма тыыннаах куттарын,
Аймаһыта күөдьүтэн, аҕыннара туойтарыа.

Оһуор-ойуу айылҕа.
Кэрэ ача күөхтэри кэккэлэтэн кэбиһэн,
Кэлэр дьылын кэһиитин кэмэ суохтук тосхойон,
Тохтоон туран хаалбакка, толоон-ойуур аайытын,
Толуу оттоох отону торолута чуоҕутар.

Оһуор-ойуу айылҕа.
Оччолорго даҕаны оҕо аймах дьоннорго,
Оонньуур, ыллыыр кэмнэргэ, одууланар киэргэлэ
Кэрэ-нарын көстүүтэ, кэпсии турар сэһэнэ,
Хоһооннорго хосуһан, хоһуйуллан этиллиэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).