БИЛИНИИ Печать    
П. Тулааһынап тыллара

Куөгэйэр күннэрим
Көмүстээх кыымнара,
Көҕөрөр халлааным
Күөрэгэй чыычааҕа
Эн буоллуҥ, эн буоллуҥ,
Эйэҕэс доҕоруом,
Мин таала ахтарым,
Мин уоттаах тапталым.

Эйигин таптыырбын
Мин тоҕо кистиэмий?
Сүрэҕим төлөнүн
Сабыта тутуомуй?
Иннибэр көрөбүн
Эн эрэ дьүһүҥҥүн,
Мин таала ахтарым,
Мин уоттаах тапталым.

Сэгэрим оҕотоо,
Симиттэн турума,
Санааҕын көрөбүн
Саһархай хараххар.
Түөспэр уур төҥкөйөн
Эн эдэр төбөҕүн,
Мин таала ахтарым,
Мин уоттаах тапталым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".