ДОҔОРУОМ, ДУОРАЧЧЫ ЫЛЛЫАХХА Печать    
Софрон Данилов тыллара

Дойдубут, төрөөбүт дойдубут
Долгуннуур күөҕүнэн чэлгийдэ.
Самныбат саргыбыт-уйгубут
Саас-үйэ тухары эргийдэ.
Көр эрэ иннигин, сэгэриэм,
Көһүтэр кэскилбит кэрэтиэн!
Сүрэхпит үөрүүттэн эппэйдэ,
Сүр күүскэ, сүр күүскэ битийдэ.

X о с ы р ы а т а :

Бу күҥҥэ, бу кэмҥэ ама ким
Ыллаабат, туойбат да буолуоҕай,
Бу күҥҥэ, бу кэмҥэ ама ким
Күлбэккэ-үөрбэккэ туруоҕай?

Бараммат киэҥ барҕа быйаҥнаах
Күөх уйгу күлүмнүү унаарда.
Дьол-соргу, үөрүү-көр аргыстаах
Киэҥ суолбут ыҥыра тунаарда.
Доҕоруом, эн биһи ыллыахха,
Ыллыахха ыраахха дуоратан,
Доҕоруом, чэй эрэ, туойуохха
Күн дьонун үйэтин айхаллаан.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).