ДОЛГУНЧА Печать    
Күннүк Уурастыырап тыллара

Сыыдам табатын ньуоҕулаан
Сындыыс курдук көтүтэр,
Чыыстай хайатын уҥуордаан
Чысхаан күүһүн көрсүһэр,
Хотугу кыраай булчута,
Колхоз кыыһа Долгунча.

Араас үрэх бастарыгар
Сохсо, хапкаан иитэлиир.
Абый, Муома быыстарыгар
Соҕотоҕун тиийтэлиир,
Хотугу кыраай булчута,
Колхоз кыыһа Долгунча.

Кырыалаах тайҕа кыстыктаах,
Туруук дьааҥы дурдалаах,
Кырса, саһыл кыбыныылаах,
Чулуу саарба тутуурдаах,
Хотугу кыраай булчута,
Колхоз кыыһа Долгунча.

Дьолун булбут колхоһугар
Дьоҥҥо киэҥник биллиилээх,
Көҥүл Ийэ дойдутугар
Күндү түүлээх бэлэхтээх,
Хотугу кыраай булчута,
Колхоз кыыһа Долгунча.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).