СИБЭККИЛЭР Печать    
Александр Наумов тыллара

Силис тардан сибэккилэр
Сиэттиспиттии үүннэххитин,
Оһуор анньан киэргэппиккит
Оонньоон ааспыт сыһыыларбын,
Кыырайа көппүт кырдалларбын
Кытылларын симээбиккит.

Хос ырыата:

Оҕо сааһым аргыстара
Оо, эһиги, сибэккилэр,
Оҕо сааһым ахтылҕана,
Оо, эһиги, сибэккилэр.

Дойдум, сирим, сырдык ыра
Киэргэллэрэ буолаҕыт,
«Самаан сайын кэллэ!» - дэһэн
Долгулдьуйа үүннэххитин,
Үөрэр-көтөр эдэр сааһым
Эҕэрдэтэ буолаҕыт.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".