СУРУК

Родион Еремеев тыллара

Ыллыырыҥ куруутун аттыбар
Ымыы чыычаах нарын кыысчаан,
Мин тоҥуй эдэркээн дууһабар
Мичээрдии көрбүтүҥ сулусчаан.

Хос ырыата:

Оо, кэрэ, кэрэ үөрүүлээх кэмнэрим
Хонуктар ааһаннар сүттүлэр,
Көһүтэр мин күндү, таптыыр сэгэрим
Санньыйар күннэрэ үүннүлэр.

Харааста туттума арахсыы
Аһыммыт чааһыгар ылларан,
Эйиэхэ тиийиэҕим күн ахсын
Кынаттаах санааҕа уйдаран.

Хос ырыата.

Күүтүүлээх суруккун ааҕаммын,
Эн миигин ахтаргын билэбин,
Эйигин, доҕорбун, санааммын
Сүрэҕим илдьитин ыытабын.

Хос ырыата.