УОСТАН ТҮСПЭТ ЫРЫАЛАР

Уххан тыллара

Өйтөн санааттан өспөттүү,
Өртөн ыраахтан сүппэттии,
Истиҥ иһирэх иэйиилээх,
Иэтэр куотар иҥиилээх.

Хос ырыата:

Уостан түспэт, уостан түспэт ырыалар,
Уостан хаалбат, уостан хаалбат ыралар.

Кукка-сүргэ уйаламмыт,
Сүргэ, сүрэххэ үйэлэммит,
Сүппэт ахтыы сирдьитэ
Эдэр сааһым илдьитэ.

Хос ырыата.

Уус-уран тыллардаах,
Илэ тиллэр иэйиилээх,
Көтөр көмүс дорҕоонноох
Сайар санаа салгыннаах.

Хос ырыата.