ҮӨРҮҮ

Наталья Михалева – Сайа тыллара

Дьүрүһүйэр чуораанчык
Дьүһүйбүтэ буолуо дуу?
Үрүлүйэр бу сырдык
Үлүскэнэ буолуо дуу?
Үлүскэнэ буолуо дуу?

Хос ырыата:

Үрүҥ көмүс кыталык
Үҥкүүлүүрүн кэриэтэ,
Үчүгэйиэн, үчүгэйиэн сүрэхпэр!

Үөмэн кэлбит үөрүүлэр
Үүйэ-хаайа туттулар,
Үрүмэччи иэйиилэр
Үөмэхтэһэ түстүлэр,
Үөмэхтэһэ түстүлэр.

Хос ырыата.

Өйдөппөккө кэлбиккэр
Өрөөн, тохтоон ааспыккар,
Өрөгөйдөөх бу түгэн
Өрүү махтал буолуохтун!
Өрүү махтал буолуохтун!

Хос ырыата.