МАХТАНЫАҤ ДЬЫЛҔАҔАР

Светлана Егорова тыллара


Күн сирин бу биирдэ көрөөрү
Кыыс оҕо тапталга ананар,
Ким эрэ кэргэнэ буолаары
Кыбыста аналын көһүтэр.

Хос ырыата:

Оччоҕо махтаныаҥ дьылҕаҕар
Сирдээҕи тапталы билбиккэр,
Бу биирдэ бэриллэр олоххор
Кыыс оҕо буолаҥҥын кэлбиккэр.

Көһүтэр аналын булаары,
Таптал диэн ол тугун билээри,
«Соҕотох эн эрэ» дэтээри
Таптал уот тылларын истээри.

Хос ырыата.

Итэҕэй, ол күнүҥ кэлиэҕэ,
Тапталыҥ эйигин булуоҕа,
Итиитик, истиҥник кууһуоҕа,
Сэрэнэн уоскуттан ууруоҕа.

Хос ырыата.