ТУРУЙА КУТ Печать    

Уххан тыллара

Уол оҕо атааҥҥа аттанарыгар
Арахсар түгэн атаарыы буолбута
Өйдүүгүөн, ол сулуһу көрөөр диэбиккин
Өлөр да күҥҥэ көһүтүөх буолбуппун...

Хос ырыата:

Эмискэ быһынна
Эргиллии ситим суола,
Сүттэ былыкка тиллии тиһэх тыына,
Умулунна харахтарга олох кыыма,
Хас ийэ сүрэҕэ харааста айманна...

Бырастыы, тыллыбатах тоҥуй таптал
Эн аналын былаҕайга былдьанна.
Дьыбардаах тымныы дойдубут силлиэрэр
Хаар ууллуо, таптал ньургуһуҥҥа тиллиэ...

Хос ырыата.

Тулаайах таптал туруйа кут буолан,
Дириҥ далай ыйыстар киэҥ иэниттэн
Доҕорбун ыытыый, төннөрүүй диэбиттии
Туоххаһыйа туойа уйдара көтөрө...

Хос ырыата.

Муус дьылҕа кутурҕанынан кутуран
Муҥур оҥоһуулааҕа тугун сүрэй...
Уолаттарбыт бааллара буоллар ньии...
Уйадыйыа суох этэ Сахам сирэ.

Хос ырыата.





 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).