ЭТИМЭ Печать    
Александр Дмитриев тыллара

Эн истиий, доҕоччугуом,
Ыллыыр ырыам тылларын,
Эн истиий, доҕоччугуом,
Ахтылҕаным иэйиитин,
Этимэ, этимэ
Быстах ааһар күлүм таптал диэн.

Хос ырыата:

Көрдөһөбүн, үрэйимэ
Таптыыр сүрэх күүрээнин,
Көрдөһөбүн, үргүтүмэ
Дууһам сырдык сүүрээнин.

Мин саныыр санааларым
Толорулар эйигинэн,
Мин ыллыыр ырыаларым
Ананаллар эйиэхэ.
Этимэ, этимэ
Быстах ааһар күлүм таптал диэн,
Этимэ!

Хос ырыата.

Эн эрэ мичээргинэн
Тулам тупсар, киэркэйэр,
Эн эрэ тапталгынан
Дьылҕам миэнэ дьоллонуо.
Этимэ, этимэ
Быстах ааһар күлүм таптал диэн,
Этимэ!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).