МУНЧААРЫЫ Печать    
Родион Еремеев тыллара

Эйиэхэ маарынныыр кыысчааны көрөн дуу,
Эбэтэр дойдубун ахтыбыт санааттан,
Эбэтэр мунчаарыы бу тууйар муҥуттан
Эйиигин көрүөхпүн олустук баҕардым.

Хос ырыата:

Сыл-хонук түргэнник аастаҕын аайытын
Сааһырыы боруогар чугаһаан иһиэҕим,
Онтон эн, онтон эн мин ырыам чыычааҕа
Куруутун эдэркээн кыысчааҥҥа маарынныаҥ.

Хайдахтаах да өрүс кытылын булларгын,
Хайдахтаах да ойуур сиһигэр састаргын,
Эйигин буламмын этиэхпин баҕардым
Бу төрөөн эппэтэх мин тыыннаах тылларбын.

Хос ырыата.

Баламат санааҕа ылларан буоллаҕа,
Тосхойбут бу дьолбун куоттарыам дуо диэммин,
Дьон сиитин-сэмэтин барытын умнаммын
Эйиэхэ барыахпын олустук баҕардым.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).