МИН ЫТААБЫТЫМ... Печать    
Наталья Харлампьева тыллара

Мин ытаабытым эн тоҥуй тылларгыттан,
Кырдьыгы этэртэн толлубатаххыттан
Уонна соҕотохтуу күһүҥҥү өксүөҥҥэ
Аһыммакка хаалларан барбыккыттан.

Мин ытаабытым саатар мэник тыал буолан
Эйигинниин аргыстаһар кыаҕым суоҕуттан,
Сылайар, сыыһар ыарахан түгэннэр
Саатата тиийэр аналтан матарбыттан.

Мин ытаабытым эйигин сайыһан,
Халыҥ хаххам, суон дурдам сүппүтүттэн,
Эн аттыбар быстахха күөрэйбиккин
Ааспыт кэрэ түүл курдук саныахпыттан.

Мин ытаабытым. Сылтах элбэх этэ.
Эн син биир барбытыҥ миигиттэн арахсан,
Дьахтар кылгас санаата кыайан сиппэт
Тапталтан куотар эр киһи суолунан.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).