ҮРҮҤ КҮН Печать    
Сергей Попов тыллара

Халдьаайыга ньургуһун
Саас тылларын тухары,
Кырдалларга күөрэгэй
Көрүлүүрүн тухары.

Хос ырыата:

Үрүҥ күнүм халлааны
Сыдьаайарын тухары
Ыра санаа
Ырыа буолан
Ыллана туруо.

Алаас күөҕэр сибэкки
Нуоҕайарын тухары,
Кэрии тыаҕа кэҕэбит
Чоргуйарын тухары.

Хос ырыата.

Күөх ачаҕа мин оҕом
Күөлэһийэрин тухары,
Чараҥнарга ыччатым
Чаҕаарарын тухары.

Хос ырыата.

Ийэ сиргэ дьон аймах
Иллээхтэрин тухары, .
Ийэ, аҕа дьоллоро
Туругурарын тухары.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).