СУРУК Печать    
Родион Еремеев тыллара

Ыллыырыҥ куруутун аттыбар
Ымыы чыычаах нарын кыысчаан,
Мин тоҥуй эдэркээн дууһабар
Мичээрдии көрбүтүҥ сулусчаан.

Хос ырыата:

Оо, кэрэ, кэрэ үөрүүлээх кэмнэрим
Хонуктар ааһаннар сүттүлэр,
Көһүтэр мин күндү, таптыыр сэгэрим
Санньыйар күннэрэ үүннүлэр.

Харааста туттума арахсыы
Аһыммыт чааһыгар ылларан,
Эйиэхэ тиийиэҕим күн ахсын
Кынаттаах санааҕа уйдаран.

Хос ырыата.

Күүтүүлээх суруккун ааҕаммын,
Эн миигин ахтаргын билэбин,
Эйигин, доҕорбун, санааммын
Сүрэҕим илдьитин ыытабын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).