ДЬОЛЛООХПУН Печать    
Саргылаана Спиридонова тыллара

Дириҥ силистээх мас курдук
Бөҕөхтүк сананабын,
«Ийээ», «Эбээ» диэн ыҥырар
Күндү оҕолордоох буоламмын,
Дьоллоохпун.
Кэскиллээҕи санаан
Кэрэтик олоро сатыыбын,
«Сэгээр», «Доҕоор» диэн ыҥырар
Күндү киһилээх буоламмын,
Дьоллоохпун.

Хос ырыата:

Дьоллоох олох, ыраас халлаан
Айхалланнын! – диэн алгыыбын,
Ийэ сүрэҕин аатталынан
Оҕолордоох буоламмын.

Сиргэ баар дьиктилэри
Ымсыыра, үөрэ ылынабын,
Иһирэх, чугас, истиҥ
Дьүөгэлэрдээх буоламмын,
Дьоллоохпун

Дириҥ силистээх мас курдук
Бөҕөхтүк сананабын,
Ийэкээм, Ийэм диэн ыҥырар
Күндү киһилээх буоламмын,
Дьоллоохпун

Хос ырыата:

Дьоллоох олох, ыраас халлаан
Айхалланнын! – диэн алгыыбын,
Ийэ сүрэҕин аатталынан
Оҕолордоох буоламмын.

Дьоллоох олох, ыраас халлаан
Айхалланнын! – эһигинниин,
Ийэ сүрэҕин аатталынан
Оҕолордоох буолаҥҥыт.
Дьоллоох буолуҥ!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).