ЭЙИЭХЭ Печать    
Светлана Егорова тыллара

Көрсүбүт күммүт күннээх да этэ,
Билсибит киэһэбит билгэлээх курдуга,
Сайыҥҥы сиккиэр тыал сиэттиһиҥ диэбитэ,
Тырымныыр иэйиини күөдьүтэн биэрбитэ.

Хос ырыата:

Эйигин көрөөрү,
Эйиэхэ бараары,
Үүммүт күн бүппэтин
Мин сөҕө саныыбын.


Тохтотуом этэ мин бу кэрэ түгэни,
Дьикти дьол ойуулаах дьэрэкээн кустугу,
Иккистээн төннүбэт иэйиилээх бу күнү,
Олоҕу кынаттыыр имэҥнээх бу түүнү.

Хос ырыата.

Эйигин көрөөрү, эйиэхэ бараары,
Кэм-кэрдии хардыытын тиэтэтэ сатыыбын,
Нуктаабыт сибэкки тылларын көрөөрү,
Үүммүт күн бүппэтин мин сөҕө саныыбын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).