ЭЙИГИН КӨРҮҮМ ДА МИН Печать    
Варвара Потапова тыллара

Эйигин көрүүм да мин –
Элбэҕи, элбэҕи эргитэ саныыбын.
Эдэр, эрчим иэйиилэрим
Эргиллибэт сааскыларын күөх төлөннөрө:

Хос ырыата:

Оһуокайдыыр курдуктар,
Эһиэкэйдиир эбиттэр
Мин сүрэҕим тэбиитин эрчимигэр.
Мин бэйэбэр баҕарабын:
Эн эйэҕэс мичээргин,
Эн чэгиэн көрүҥҥүн,
Эн сылаас сыһыаҥҥын,
Эн эрэ эрэйи билимиэххин,
Эн эрэ миигин эрэниэххин,
Эн эрэ миигин кэтэһиэххин,
Эн эрэ миигин итэҕэйиэххин,
Уонна,
Уонна,
Оо, эйигиттэн эрэ мин кэлэйимиэхпин…

Эйигин көрүүм да мин –
Элбэҕи, элбэҕи эргитэн өйдүүбүн.
Хаарыан сибэккилэрим дьөрбөлөрө
Тиллэн киэркэйэн кэлэннэр:

Хос ырыата.

Эйигин көрүүм да мин –
Элбэҕи, элбэҕи эргитэн билэбин.
Ахтар саныыр алааһым суугуна
Аар тайҕам тойугар дуорайан:

Хос ырыата.
« Төттөрү
 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".