СИЭРКИЛЭ ИННИГЭР Печать    
Светлана Егорова тыллара

Сиэркилэ иннигэр олордум,
Суһуохпун ыһаммын көрүннүм,
Илиибэр ыламмын тараатым,
Хомойон кыратык ытаатым.

Хос ырыата:

Уп-уһун суһуоҕум кылгаабыт,
Хоп-хойуу бэйэтэ убаабыт,
Хайыамый, кэм-кэрдии ыктаҕа,
Дьыл – хонук дииллэрэ кэллэҕэ.


Сиэркилэ иннигэр мин турдум,
Суһуохпар олохпун мин көрдүм,
Кыыс дьахтар кынтайар дьылҕата
Бу сиргэ кылгаһын өйдөөтүм.

Хос ырыата.

Кырдьыбат киһи суох, ол чахчы,
Олохпут оҥкула буоллаҕа,
Суһуохпун биир гына өрүннүм,
Сиэркилэ иннигэр мин турдум.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).